Plantun de Prouvènço

Pèr coumpara dos planto d'encò nostre

Symphytum officinale & Cedrus atlantica

Counsolo-majour

Symphytum officinale

Boraginaceae

Àutri noum : Erbo-di-cime, Erbo-dei-sùmi, Empés.

Nom en français : Grande consoude.

Descripcioun :
La counsolo-majour es uno grando erbo que trachis en ribo d'aigo. Se recounèis à si cimo denso de flour blanco, souvènt jaunasso, e subretout à si fueio en lanço emé un pecou que porto de gròssis alo que couron sus la cambo (fotò).

Usanço :
Au contre de ço que se vèi escri d'eici d'eila, vau miés la pas manja que caup d'alcalouïdo empouissounant pèr lou fege. Es uno planto vertuouso qu'èi poussible d'utilisa en emplastre contro d'ùni proublèmo de pèu (macaduro, blaveiròu e subretout li bruladuro), de muscle, d'articulacioun, d'estorso etc. Soun noum fai pensa à-n-utilisacioun contro li cime...

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphytum
Famiho : Boraginaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Symphytum officinale L., 1753

Cèdre-de-l'Atlas

Cedrus atlantica

Pinaceae

Nom en français : Cèdre de l'Atlas.

Descripcioun :
Aquéu cèdre es esta planta au nostre pèr lou rebouscage e s'èi naturalisa (coume pèr eisèmple dins Leberoun). Se destrìo de soun cousin, lou cèdre-dóu-Liban, mens coumun dins la naturo, emé si jóuini ramo peludo e si pigno un pau mai pichoto un cop maduro (< 8 cm).

Usanço :
S'emplego en essènci. Èi bon pèr la circulacioun dóu sang e dis imour (linfo), pèr leva li graisso dóu cors e pèr ajuda à alena.

Port : Aubre
Taio : 10 à 40 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Cedrus
Famiho : Pinaceae

Ordre : Pinales

Coulour de la flour : Jauno
Petalo : ges
Ø (o loungour) enflourejado : 5 à 8 cm
Flourido : Printèms

Sòu : Ca
Autour basso e auto : 500 à 1100 m
Aparado : Noun
Mars à jun

Liò : Plantado de cèdre - Bos clar - Tepiero
Estànci : Coulinen à Mountagnard
Couroulougi : Óurigino Africo-Nord
Ref. sc. : Cedrus atlantica (Manetti ex Endl.) Carrière, 1855

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Symphytum officinale & Cedrus atlantica

Coumpara Counsolo-majour emé uno autro planto

Coumpara Cèdre-de-l'Atlas emé uno autro planto